Formación

Ficha contido obradoiro   Solicitar obradoiro

Presentación

No marco da implantación da guía docente informatizada, que contempla distintas iniciativas de apoio segundo os perfiles implicados na súa elaboración, a Vicerreitoría de Calidade e Novas Tecnoloxías, a través de Soporte á Docencia en coordinación co CUFIE, contempla a realización do obradoiro “A concreción das ensinanzas de grao a través da guía docente e a súa contextualización en Moodle”.

Dito obradoiro é unha acción formativa específica complementaria ao Plano de Apoio ao Ensino (PAE), coordinado polo CUFIE.

Obxectivo

Este obradoiro ten por obxecto dar a coñecer ao profesorado da UDC o modelo da Guía de Harmonización da Docencia Universitaria (GADU), proporcionando os recursos técnicos e metodolóxicos vinculados a este sistema informatizado para abordar o proceso de deseño e visualización das guías docentes das súas materias en clave EEES.

Solicitantes

Responsables académicos (dirección dos centros, departamentos ou responsables de titulación) a nivel de centros e/ou campus por solicitude. 

Destinatarios

Profesorado da Universidade da Coruña.

Inscrición

Cada profesor/a comunicará individualmente a súa solicitude de inscrición a través da persoa do campus, centro, departamento ou titulación que coordina o desenvolvemento do obradoiro en colaboración con Soporte á Docencia, proporcionando os seguintes datos: DNI, apelidos, nome, centro, email e extensión telefónica.

Poderán asistir tantos profesores como prazas das que se dispoña na aula informática na que se realice o obradoiro.

Datas e lugar de realización

Aquelas que se acorden para cada solicitude de obradoiro.

Certificación

A participación de proveito no obradoiro implica a emisión dun certificado expedido pola Universidade da Coruña, asinado pola Vicerreitora de Calidade e Novas Tecnoloxías.

Para que a participación sexa considerada de proveito terase a obriga de asistir un mínimo do 85% do mesmo.

Ficha contido obradoiro   Solicitar obradoiro