Misión Xeral
Soporte á Docencia (SD) ten como misión deseñar, informar, coordinar, desenvolver e avaliar procesos, accións, proxectos e programas dirixidos ao persoal, centros e servizos da UDC, que se fundamentan en harmonizar a integración dos recursos técnicos e metodolóxicos de apoio ao ámbito da docencia, a xestión e a investigación educativa.
Asume como fin principal dar soporte metodolóxico á docencia no proceso de adaptación das titulacións e implantación das novas ensinanzas propias e oficiais de grao e posgrao, en consonancia coa aplicación das tecnoloxÃas da información e as comunicacións (TIC) á educación; promovendo a calidade, a innovación e a excelencia da docencia universitaria no marco da adecuación da Universidade da Coruña ao proceso de Bolonia, para impulsar e favorecer a adaptación progresiva do noso sistema de ensino superior e a construción do Espazo Europeo de Educación Superior (EEES).
